mercredi 1 décembre 2010

مانيش مرا

مانيش مرا
جاتني الفكرة إني نخنتب هالكلمات بعد ما كثر علية السؤال في الفايسبوك "ياخي انت 
مرا؟" ههههععع هععع تمهمش الزّنس العنيف و بصراحة نعذرهم.  !!
ربّما لأني مانيش مرا صحيح إذا كانت المرا :
ـ فينو ههه مانحبوش اومو اكثر جدوى ضد البقع
  جونتي ههه ما نعرفهاش نعرف الكريمة شانتيي و بصراحة راهي ماهياش حاجة تتلبّط في الفم  حشّامة و تذبّل عينيها و ترمّش كالباربي و تغزر ماللّوطة هههه زيدوا غطّيولي عينيّا انتوما صرفتوا صرفتوا !!! أنا نعرف إلي العنين أحسن سلاح: تڨحر الافّام تتسكر و تذبّلهم الخواطر تتجبّر
ايه مانيش مرا !كان يلزم نعمل دورة على الشّريعة و المجتمع بش نوصّل فكرتي ما يزيشي عناء اللغة و اختيار الكلمات تزيدوني هاجس العيب و المحرّمات.
اذا تتصوّروا لمرا يلزمها
  تلبس طالون نقلكم باردون مانحبش الكونستيباسيون

     تسكت كالسيّد يتكلّم نقُلّك آسف تجلوغي يتألّم و راني ما     عنديش معَلِّمْ                                                                                                               
 توشوش و قلبها في بدنها يلشلش          
اي مانيش مرا ! اذا لازم منطقي يكون حنين و نقول بعد كل كلمة يقولها حبيبي أمين و نغنّي لجسّار و شيرين و نبكي على المناظر في مسلسلات التركييّن ....مانيش مرا و نتشرّف و نحبّ زاده نتعرّف عالمواطنين الطالحين الي الدنيا دازتهم للطحين... اي مانيش مرا سافا
مانيش انثى للذكورة و مانيش ملهى (بدنك  باهي تمشي للملاهي)  للجبورة و الرغبة المحصورة
مانيش نوّارة و الاّ عصفورة .....مانيش مرا تتشدّ و كان ضحكولها تتمدّ مانمنّش بالحبّ من غير ثورة الجسد موش ثورة المتسيّسين الدغمائيين و الاّ اشباح المثقفين الي على العشق عاطلين نِمِّنْ بثورة الرسّامين و الشعراء التايهين الي في بلادنا مدزوزين عاليسار و عاليمين و ديما قاعدين و على فكري مغلّبين...
مانيش مرا! الي تخاف من ضحكة العينين و الا من ضيعة الصوابع و اليدين بش يكتبوا كلمتين
مانيش مرا ! اذا المرا يلزمها تلفقّ و تصفقّ و فيس و تفينيس يتدفقّ
مانيش مرا ! و ما نحياش خاطر الحبّ ما يستنّاش يلزموا يتقال كيفما يتعاش ....مانيش مرا !! اذا يلزمني نخبّي و نتغصر كي نرا سابقة من سوابق قلبي و نحسب روحي ماريتهاش هاذي قلّة تربية و اذا نحبّك ما تستاهلهاش
مانيش مرا !! مسكّرة تحت شوالق متنكّرة  تجري وراء العرس و حياتها يصرفڨ فيها ريح شهيلي سرس برّاني و عامل بلعاني و كي يراها يحس قدّاش يعاني
مانيش مرا !! اذا يلزمو يكون معايا سي الطيّب و يعوعش وسط السرادك........
و يهيّب  و يستنّا في ايّ دجاجة متعديّة بش يتسيّب . مانيش مرا!!! حشاكم خرا*!!!!  نحب وقتلي الناس تمرقد و كان في الفجر يجيني النوم ... بعدا وقتلي العباد تقوم تهيج معاهم الهموم ....كلمة نحبّك ولات تجيب الزّْمُومْ اما انا ما نخَيّْبهَاش ، بعينيا نقولها و ما نحياش !!و كي نحب مانسهاش و ماننساش نعمل ليوم و كانّو غدوه مافمّاش!!!!
يمكن تربِّيت مع فيرا و بودلير و اراغون و حبّيت الحروبات مع ماكيافال وماغون
 و تعلمت نتمنّى... خير ملَّي نِسْتَنَّى... في الآخرة و الجنّة...
 يمكن مانيش مرا
صحيح مانيش مرا انا المرا بيدها !!!

24 commentaires:

  1. la mise en page de ce texte est difforme ceci n'est pas un choix :D le word me joue des tours !! novice en arabe :))

    RépondreSupprimer
  2. j'applaudis !!! n7eb nkoun mra kifek :)

    RépondreSupprimer
  3. hanak kolna no-vices, et moi la mise en page de mon blog est ki widhni, manich m'ra ken makhallit ommou hikkèk !

    j'adore l'article :)

    RépondreSupprimer
  4. ana mra et je revendique le droit d'être une femme ama je ne suis pas du tout mra kima ensa elli ta7ki 3lihom... ces femmes dont les sujets de préoccupation et de discussion sont bizarres.... qui ne parlent que de cuisine et de shopping... je suis une femme libre... épouse et mère de famille qui assume mon rôle et revendique mes droits... ama ana je l'avoue mra ganguèèèèèna..; kharnèèèèèèèna... et j'utilise cet outil typiquement féminin pour exiger que les autres assument leur rôle... nganguen marra betfadlik .. marra betnarviz ... ama j'ai un long souffle pour ça et je le fais toujours avec plaisir... donc oui y a plusieurs types de femmes w rabi m3ahom erjèl elli tay7in bel 3leL elli yonf5ou ejwaji....

    RépondreSupprimer
  5. Je me sens moins seul(e). J'adore ce texte, le rythme, le choix des mots, vous écrivez aussi bien en français qu'en tunisien. Le dialecte tunisien est délicieux à mes oreilles. Bonne continuation Madame! Heureuse de vous lire!

    RépondreSupprimer
  6. يا مطول لسان قلمك يا مرا ..أما راو كي تكتب باللغة الفرنسية قداكش فينو وخفيفة روح...مع كامل الاحترام ليك يا للا ولدارجتك الغريبة

    RépondreSupprimer
  7. ravis de lire tels textes. y'a de la fraicheur, du naturel. On en redemande .

    RépondreSupprimer
  8. @ tout le monde: béhi j'irai par 4 chemins je voulais commenter etc mais j'ai pas trouvé mes mots :)) alors je vous dirai à tous MERCI d 'avoir pris le temps de lire et de commenter et vive éli méhomch nsé ;))
    @Astrath: luff u too :))

    RépondreSupprimer
  9. très beau comme texte .. je l'appellerais un manifeste de FEMME .. poétiquement écrit
    :)

    RépondreSupprimer
  10. manich rajel ken ma npartajich klam hal mra, bravo bent trad vraiment bien dit :)

    RépondreSupprimer
  11. Ce commentaire a été supprimé par l'auteur.

    RépondreSupprimer
  12. aime ça ! Tu devrais enregistrer un slam (sérieux)!

    RépondreSupprimer
  13. c'est beau!!! très beau même!! chapeau ya MRA

    RépondreSupprimer
  14. نص رهيب و جميل في نفس الوقت، نفذت فيه لجواجي الدَّارجة التونسية بكل ما فيها من عنف وقلعت منَّو زريعة الكلام المسكوت عليه بخصوص المرا والراجل في حياة يومية كي "الخرا" و بلاد أكثر واكثر

    RépondreSupprimer
  15. grand coeur blessé6 décembre 2010 à 01:46

    Un verbe d'une tendresse violente.. Geyser bouillonnant crachant des mots-laves , magma de sens incandescent..

    RépondreSupprimer
  16. برافو انتي مرا و نص هكّا النساء ولّا لوّح

    RépondreSupprimer
  17. :)))))))))))))))))) sahha ya rjél sahha ya nsé !!!!
    merci de prendre le temps de lire mes "ralages"!!!


    bélléhi fama juste chkoun 7ké 3la slam idhé howa wéld domaine ycontactini hajti bih ...

    RépondreSupprimer
  18. ma7leha el mra wa9teli ta3ref wa9tech twali mra w wa9tech t9oul manich mra
    vrt chapeau

    RépondreSupprimer
  19. بلحق يا بنت طراد. انت ماكش مرا. بلخق راني نحكي, ماكش مرا, راهي المرا هي هيك الكائن اللي صنعو الراجل بشعورو الذكوري وحنطها فيه بالحرام والحلال والممنوع والمرغوب والطهارة والقذارة والخبث و الطيبة وحط فيها خروماتو لكل باش يتمعش هو من البلاصة اللي حط فيها روحو فهمتلا.
    انت يا بنت طراد انثى. انثى حقانية, انثى بالفم والملا عارفة شكون هي وعارفة شكونو هو نقصد الراجل وخرجت من قضية الازدواجية وحطيط الازناس الزوز كي الذكر كي الانثى على نفس الخط وتكلمت بامضاء الانسان

    خوك الشريقيباو هيا بخاطرك يا عزوزة

    RépondreSupprimer