حبّيت انا والله حبّيت! هكّاكة !شتهيت !! نهديلك حويجة تعملك ترهويجة و تخلّيك تستنا فيّه و كان نهار خممّت نمشي، بجواجيك تعيطّلي و تقلّي إيجا....
حبّيت نهديلك غناية، اما نعرفك نسّايَة و ما تشدّش الكِلماتْ
حبّيت نهدِيلك عينيّا، بش ترا المتخبِّي في الزّناقي موش كان أضواو الثنيّة....
حبّيت نهدِيلك كتاب، عالحبس الكذَّاب* و عالحيّْ إلي مات و الميّت الي روّح و الباقي الملوّح بين هنا وغادي....
حبّيت نهديلك ستيلو و يا ويلو يا طول ليلو اإلي يغلط معاك تحَبّرلوا و تعبّيلوا زمبيلو....
حبّيت نهديلك يديا بش تمسح بيهم دموعك كان انا سهيت شوية....
حبّيت نهديلك كاس نشربوه أنا و إنت في كيّاس و كان ظهرلنا نباتو تحت السماء و نتغطاو بالنجوم ما فيها باس و لا فيها بليس: فيها عشق و غرام و تبزنيس....
حبّيت نهديلك شفايفي بيهم تتكيف و تنفخ بيهم دخان و تشعل نيران و تضوي الجواجي و تخلي الظلام يلاجي ... تحمرهم تعمرهم بالالوان الزاهية بعدا الناس اللاهية ساهية عالاحمر و الورد و النوار....
حبيت نهديلك صدري معبي بالهوى تعبيه و ضد الغلبة و التنوفيق تلقيه و تخلي شوية سخانة و دفاء يتكى عليه....
حبيت نهديلك كلامي كان وفى عليك الكلام ...المهم تقول الي في بالي و الي في بالك بش قلبي يتهنى و قلبك يطمان .... و نسيبوا علينا مالحيرة متع المستسلمين الراكعين و نسيبوا الحيرة متع الشايخين الهاترين الي في شوارعك متخبين.....
حبيت يا للة قبل ما توليلي علة نهديلك و نغنيلك و يا ويلك من عشقي و يا طول ليلك....
حبيت نهديلك ليل فيه نجمات قبل ما يهديولك ليل بلا حلمات امالي اللحي و اصحاب مؤسسات-الكذبات الي قالولك زغرط بش نسلفوك بلا اداءات....
حبيت نهديلك الوقت من غير لا قهر لا مقت ...و نهربك مالقحت متع كل اصناف الداعرين الي ساهموا في بيعان الكتب بميتين في العطارين....
حبّيت نهديلك غناية، اما نعرفك نسّايَة و ما تشدّش الكِلماتْ
حبّيت نهدِيلك عينيّا، بش ترا المتخبِّي في الزّناقي موش كان أضواو الثنيّة....
حبّيت نهدِيلك كتاب، عالحبس الكذَّاب* و عالحيّْ إلي مات و الميّت الي روّح و الباقي الملوّح بين هنا وغادي....
حبّيت نهديلك ستيلو و يا ويلو يا طول ليلو اإلي يغلط معاك تحَبّرلوا و تعبّيلوا زمبيلو....
حبّيت نهديلك يديا بش تمسح بيهم دموعك كان انا سهيت شوية....
حبّيت نهديلك كاس نشربوه أنا و إنت في كيّاس و كان ظهرلنا نباتو تحت السماء و نتغطاو بالنجوم ما فيها باس و لا فيها بليس: فيها عشق و غرام و تبزنيس....
حبّيت نهديلك شفايفي بيهم تتكيف و تنفخ بيهم دخان و تشعل نيران و تضوي الجواجي و تخلي الظلام يلاجي ... تحمرهم تعمرهم بالالوان الزاهية بعدا الناس اللاهية ساهية عالاحمر و الورد و النوار....
حبيت نهديلك صدري معبي بالهوى تعبيه و ضد الغلبة و التنوفيق تلقيه و تخلي شوية سخانة و دفاء يتكى عليه....
حبيت نهديلك كلامي كان وفى عليك الكلام ...المهم تقول الي في بالي و الي في بالك بش قلبي يتهنى و قلبك يطمان .... و نسيبوا علينا مالحيرة متع المستسلمين الراكعين و نسيبوا الحيرة متع الشايخين الهاترين الي في شوارعك متخبين.....
حبيت يا للة قبل ما توليلي علة نهديلك و نغنيلك و يا ويلك من عشقي و يا طول ليلك....
حبيت نهديلك ليل فيه نجمات قبل ما يهديولك ليل بلا حلمات امالي اللحي و اصحاب مؤسسات-الكذبات الي قالولك زغرط بش نسلفوك بلا اداءات....
حبيت نهديلك الوقت من غير لا قهر لا مقت ...و نهربك مالقحت متع كل اصناف الداعرين الي ساهموا في بيعان الكتب بميتين في العطارين....
حبيت يا علة تكونلي للة .... و نهربك عالغلبة و المغلوبين...
حبيتك تفعل اخترت تكون مالستفعل فيهم الي الوقت با يعهم و الضحك خاطيهم....
حبيتك تذوق بلسانك بنة العنب في كيسانك و تذوق القمح و الشعير كيفما في الخبز في العصير....
حبيت نودك و نشهيك تسكر و تضيع في روحك و اماليك و كان سرحت و تمديت و تبطحت تلقاني جنبك نغطيك...
قداش حبيتك ينعن والديك !! حبيتك زاهية لاهية !!حبيتك فكرة باهية!! حبيتك حلمة ما توفاش!! طلعتلي كابوس ما يتنساش...
اما أنا كي نحِبّ ما ننساش ... و حتى كان نسيت ما نسهاش ... و كان لقيتك ضايعة صايعة ملبسِّينك حوايج مغطيتلك ساقيك نعيّطلك للنسمة بش تخَففلك خطاويك....
حبّيت نهديلك كلمات قبل ما نزيد نسكر و يدخلوا في المنسيَّات و نعتقك مالخواطر و المذكرات و تقديمات الراديوات ....خاطر الي يحب يهدي موش يبيع .... و الي يحب يوشوش موش يخطب و الا يذن ويذ يع...
الي يحب يوشوش و يهبط الكلام كالشتاء الي ترشرش و ترا الضحكة طالعة بركان و لا عاد الليل ليل و لاعاد ينجم ظلامهم يطمان
حبيت نهديلك اما قلت خليني نهديلهم يمكن اذا ما لحقك الخير تطمان
حبيت نهدي للي يبكي و وفى عليه الكلام :كمامة !! تنقص من حسوا و تخفف علينا مالبهامة ... و حبيت نهدي لكل المستمعين قطن يهبط كالدالة عالوذنين ... الصباح نوار موش زيت و زيتونة و عساكر كرظونة و مكاسب و تثمين و ثنايا واسعين للضالين بش في همهم يزيدوا يقول امين...
الصباح فيروز و دقلة و نوّار لوز .... و شوية شعر و كلام مزيان يزهي و سيب عالفجر الوان ;الوان مزيانة كالدنيا و هي في بركونها واقفة تتفرج شبه عريانة...
تضحك للمتعدِّي، و تخلّيه نهار كامل يغنِّي، فرحان و متهنِّي، بالمرا المزيانة إلي وقفت في وجهو عريانة و ضحكتلو و ما خبّاتش و عطاتو و ما ستنّاتش...
حبّيت نهدي لاشباح الثوريين، إلي عالجوع دازين، قصّة و الا قصّتين لبعض المنسيَّين إلي في بلادهم مازالوا عايشين و إلي الجوع كلاَهم و خراهم و خلاَّهم حييّن ميّتِين يبيعوا ورقة و إلا ورقتين تكتبوا ساعات بدموع عينين....
حبّيت نهدي للي يعسّوا و الي يقصّوا وإلي حُرمِتنا مسُّوا تسكرة و الا ثنين ...لبلاد اخرى ما نعرفش وين ...خلِّينا نحبُّوا بعَضنا من غير شروط ومؤسسّات و قوانين ... مرتاحين بلا وِذنين و لا عينين و لا كلام ولا تحيين ولا تنقيح ولا تلقيح : الحب داه الكلب و هذاكة الرسمي و هذاكة الصحيح....
حبّيت يا للّة نهديلك فلّة كي يكثر عليك خندقهم تتنفَّسها ...و نهديلك ياسمينة تعمَلّك تركينة تحبّ فيها من غير هاكالغزرة ـ السكينة و حبّيت نهديلك يا للّة جواجيّة قبل ما تولِّي علّة و يستَفحل الداء فيك و فيّه...
حبِّيت نهدي لكلابك المسعورين عظمة و اإلا ثنين يهرشوها و ينساوك وقت حلمة و الا حلمتين اإمشي قابل اإلي تحبُّوا و كان نجَّمت ترجع للدَزّْ بعد عزُّو إيجا قابِلني....
حبّيت يا للّة نهديلك هالكلمتين أمّا كان نَنسى نرتاحو لثنين....
*= عنوان كتاب "الحبس كذاب و الحي روح" لفتحي بلحاج يحي
ça me laisse sans voix, ces paroles me touchent au plus profond de mon etre, j'en ai les larmes aux yeux ...
RépondreSupprimer