انا مرا و غجرية

مانيش ثورية

انا غجرية

راس مالي شقاشقي و كحل عينيا 

لاني جارية و لاني ملهط و لاني حورية

انا غجرية

للبعض تركة اثرية

و للبعض سخطة قوية

مانيش هازة على كتافي التاريخ

اما همي تاريخ كتبوتوا في الصحف ضحايا الصواريخ

مانيش ثورية

اما ثورة شوية نساء

العشق رفيقي

 و الحب طريقي

غجرية

و نشطح على قبور الحيين

و نسحر المتعدين بضحكة سمرة و سواد العينين

و دنيتكم السوده في صدري نوارة حمراء قانية موش فانية و ما تذبلش

يلي الشطحكة عليكم ما تثمرش

نحب نبربشكم نمخوجكم ندخل الشك فيكم

و نخرج العماء من عينيكم

و نحبكم كيفي تشطحوا و تسكروا و تردحوا

نغمجة كمنجاء تهزكم كنوارة لوتس عالماء

مانيش ثورية 

و ما عنديش مع الفوضوية 

و حركة التاريخ اللولبية

انا مرا حية ما نجمش نرا الغلَّة و ما نڨرشهاش

و بين سِنْيَّا ما نعيشهاش

نحب الِبنَّةْ حبوا انتوما الجنة

نحب الي يتغنى حبوا انتوما البنا 

قلتلكم غجرية 

ساقيها عريانة 

محافلها مليانة و الارض تحت أقْدَامها مزيانة

مانيش ثورية 

انا راني غجرية

تمنيت نكون تركيبة متع غاتليف

 و ننسى همي كفينغو في السكرة و الكيف

و لا اكثر و لا اقل ههههه