يا ميمتي اليوم زدت عام
زادت الايام و نقصت الانغام
كبرت و بديت موش ننسى اما نتناسى
بش نجم نعيش هالدنيا البزناسة
كبرت كان تراني ما تعقلني
و يمكن كان تعقلني تجهلني
خليت حكاياتك
و تناسيت وصاياتك
كبرت و فهمت و عشت و جربت و مشيت للبلايص الي قتلي ابعد عليهم
و ما ندمت خاطر حياتي كبرت بيهم
يمكن زيانت يمكن ادوانت اما الحقيقة بانت
كبرت و طاحتلي سنة اخرا
نلعب عالشدة رد بالك و ما نسيت غناك و موالك
اليوم تولدت اما ما نعرفش قداش من مرة متت
واليوم تاكدت الي انا خرا و مانيش مرا
تاكدت الي انا حرة كي جيت من هاكالصرة
عينيا كيف كبرت هوما عينيك
و كلامي يصعب يتفلسف يتثقف جبتو من جواجيك
كبرت و سكرت اما صدقني ما تبدلت
قعدت الفرخة الملعونة الي تطلع فوق السور
و الي عمرها لا خافت لا الجبانة لا القبور
و وليت غجرية حكايتي تتلحن اما مع كل نار منسية
و وليت نمن بالحرية الي مني ليك بَعدِتْها شوية عليا
و مشيت لليسار يا ميمتي
و عندك الف حق هجوم التتار
و عمري ما مشيت لليمين منك جاني اليقين
اما تاكدت نهارالي قتلي الشك طريق اليقين
اليوم زدت عام و الا عامين و الا هم جيل و جيلين اما تفكرت اعوام التالي انت فين
و مووش عوايدي اما راودني حنين
لعركة و الا عركتين
لكف و الا كفين
لبوسة و الا من عندك بوستين
كبرت و سكرت و بلحق كيفما قتلي الشراب بنين
و حبيتوا و عزيتوا و في عروقي تبنيتوا
و كبرت و صرت المرا الحرة الي ما تهمها جُرَّةْ
و ما تخافش عليا برغم هبالي حبيت و تحبيت
و لقيت الحب اما ما بقيت
تعرفني نحب نجري و نحب كالماء عالجرح يسري
الليلة زدت عام و حنكة الكلام
خاطر دفنت صاحبة و معاها شوية احلام
و فقت الي كان مت تنجم! موش اكيد, اما تنجم الدنيا في شوية عينين تظلام!.
الليلة يا ميمتي زدت عام و شوية حرام
في نظرهم! نعرف في عينيك غرام
الليلة زدت ثلاثة ميا و خمسة و ستين يوم
و لاعيني لا في غمضة لا في نوم
عيني نزيد نسكر و نغني
و نزهى للايام و الحبيب الي هجرني
و نكتب على بلاد همها ما غمني
اما قد ما عماني جهرني
اما حبيت نقلك الي شارع بورقيبة فقد عرا ساقيك
و توة النساء تتنقب و تسبلك والديك
الوقت تبدل و انا زدت عام
و عرفت الهجر و هبلت مع الغرام
وليت بنت امي
لا عاد لا نخاف و لا يهمني
لا ماللسانات و لا كلام العينين
اش تحبني نعمل الوقت وجيعة
و مستحيل نرضيهم بهالطبيعة
Preumz! et Happi birfday!
RépondreSupprimerBonne anniversaire
RépondreSupprimerاليوم زدت بعض أيام يتعدو عام
RépondreSupprimerإبق تركة اثرية
و سورتو إبق سخطة قوية
ماتحاولش تهز على كتافك لا التاريخ ولا الجغرافيا
كل سنة وأنت بخير و في حضرة مولانا الفلاح الروماني
(فهمت حكاية حضوره البارح)
تمنيت أني كملت الجزء الثاني من الكتيبة و يكونلك بمثابة هدية....Mais ça ne saurait tarder
RépondreSupprimerjoyeux anniversaire Bent Trad
RépondreSupprimer@Azwaw : j'attends patiemment et quand ça arrivera je le considérerai comme un cadeau :))
RépondreSupprimer@ Imane et Astrath : gracias mucho
Joyeux anniversaire Bent Trad
RépondreSupprimertrès beau et surtout très expressif. Je ne suis pas une femme mais Je me retrouve souvent dans tes mots
RépondreSupprimerI really want to give you a hug !!!!!!!! :(
RépondreSupprimertrès beau comme d'hab bent trad je t'aime sans te connaitre ou peut etre que je te connais c pour ça que j t'aime. ça me rappelle l'article du déserteur chut libre sur son anniversaire
RépondreSupprimer"مشيت للقهوة ما لقيتش زهر صبيت في الكاس عينيا"
j'avais pleurer ce jour là tous mes larmes et je me suis dis comment ces deux là ils parlent de nous comme ça comme si ils sont en nous. je suis instituteur dans un village du sahel ou certains n'ont pas encore internet(oui ça existe toujours)et je vais te dire un secret : je lisais tes extraits de toi et surtout de chut libre à mes élèves pas mal de fois . mais j'ai surtout gardé un cahier ou je copie les meilleures phrases selon moi . alors ne nous aisse pas toi aussi sans tes mots car mon cahier attend d'etre fermé . hassilou , tu me fais rappeler le bon temps de la révolution quand vos mots à chute libre et toi me faisait oublier le son des cartouches dehors et que j'ai enterré mon frère immolé. les vrais révolutionnaires sont ceux sous la terre mnt et vos mots mais pas ceux qu'on voit comme héros ces jours bref. mes respects madame et mes respects messieurs je vous aime du fond du coeur.
-Ameur Khédimi-