samedi 18 décembre 2010

بسيكو-ز و لا بسيكو-ام

خطاب بسيكوتيك متع مخ نفروتيك و الكلو تاكتيك  مني ليك لا جهاد و لا جهادي قدام الفلوس الكلها تنادي و مستعدة بش تبيع "عادي" اعتذارات شبه رسمية على اخطائ تهد البشرية
اخطانا بلا لغة مضروبة كانت و الا حية موش هاذي يا مواطن القضية ! القضية لسان مرزي و بش يبين يولي يرزي في العباد في حياتها الي بناتها و في البنات في حياتها" كيازم" لغوي اما ماليفيك !!
قراءات تحريفية  لرغبات تخريبية تحب تغم عالقضية و تعمل منها اولوية دينية اسلامية اما كي نحكي راني نعطي الكلمة لجواجية! سيب عاد فك و وخر لتالي هاني انا بش نسخطك و لن ابالي المرا يا سيدي راهي للة و بعماكم الفكري و لات العلة المرا حية الدنيا لازمتها و بجواجي جواجيها تعيشها و ما توخرهاش
المرا حرة و عمرها ما كانت لا عورة لا عرة المسالة موش تعبير و الا حرية المسالة احترام و تبعبير لخصوصيات الذات البشرية
قول عبر و الا تزبر راسك دبر اما سيب خليت العباد يناديو لعمار تعمل في الفن يا والله عار
قراءة تحريفية على سياسة اخوانجية و التونسي ياكل في الهم!!! موزيكا غربية على كلمات ظلامية و قالك فن !!  
يزيو مالتخريف احترفتوا التزييف بش تدخلوا للمخاخ كالسم!!  الراب موزيكا شعبية و تولدت في الحوم و ليوم ولات في بلادنا للقلب احسن زمم!! نداءات للجهاد و في الجهات الناس تنادي و ماهو سامعها حد !! فروخ تحرق في رواحها النار ضارية فيهم و بلاد ما عارفة صلاحها و متكتمة عليهم!!  و جايين بخطاب بسيكوتيك تقولولي يا مرا شد الدار خاطيك??!!  تي سيب عليك يا راجل مالتكتيك هاذي خطة موش ليك حكى عليها التاريخ الي رديتو فوروم موزاييك
البلاد عباد يا راجل و الناس تتخالف اما تتواصل و اعطيني يا مغني يلي فنك طررني اش جبت بالبراتيك فرقت و ما سديت و سديت عينيك و وذنيك و انا نقلك الي موش ليك خاطيك
تعلم الفن مع اي - ام و قتلي تحت الاهرام غناو و نساوا العالم في المظالم!! و لموهم و جمعوهم من باريس للاهرامات يا حسرة عالراب يظهرلي غادي مات !
نحب الغناية تكون حكاية و الحكاية في الفن يلزمها تكون النجمة الضواية!  تنسيك في اماليك و تقلك ايجا في الدنيا و كون بحذايا !!
الفن موش شجن و غرم و خرابيات!!! الزح !! الفن غرام و شعر و ابيات و تصويرة مزيانة عالشعوب العريانة الي باتت بردانة ما لقاتش وراق الكتب تتغطى بيهم و لا لقات حرية فكر و لا دين والديهم
بلادنا اسمى و السماوات السبعة قدامها ما تسواش بلا دنا ارقى و رغم ما استفعلتوا فيها كي تحبها تضحلك و ما تقساش!! رديتوني وطنية يا فاقدين البشرية و رديتوني نمن بالحدود الجغرافية بعده كل يوم   غناية و الا كليب يقصوا الضو عليه
قعدلي قلب و عينين و تحبوا تعميوهم الاثنين ماازاكمش السنين و تجاعيدهم و ايامي الي نساوا عيدهم و نسيتوا الي في الاعياد ننسى روحي و نلم جروحي! ياخي هاذي عقيدة?!  استنقمت مني في عوض المرة مرتين لا هدية لا بوسة حية و لا نوار الفل على خدايا?? كان هز حط يا مرزية وو نجري و الايام سعدها ليك يا راجل موش ليا!!  و تحب تخرجني بكوارطي موش بفني و غنايا و عرق يديا!  ينعبو الحرية الي علمتك تسب المرا الي جابتك للدنيا و وراتك زناقيها كيفما علمتك تمشي في الثنية ...
"بسيكو ز" و الا" بسيكو- م" و ال" نفروز" ! نسيت يا"  فرخة" حكاية الدنيا الروز و وليت نجري من كوز لبسيكوز!! و الرابورات عامليني في كل خطوة حاجز تفتيش و يحبوني نقتنع بلا تفكير و لا تبربيش كانو عقيدتهم ما كفاهاش و ما كبلتنيش !!
يمكن انا بسيكو-بات و نحب الجو و الشيخات و ما عندي والو مع السهرات  اما مانيش برباش ساقاط نلوج عالخرم باش نعمل منوا راس مال و شوية استثمارات!! اسمع شافيلا فرغاس و قتلي قتلوا خمم فيه و ما تنساش هاذي دنيتي و بلا بيا و بامثالي نوعدكم الي الدنيا ماسطة ما تحلاش !!

21 commentaires:

  1. الفن موش شجن و غرم و خرابيات!!! الزح !! الفن غرام و شعر و ابيات و تصويرة مزيانة عالشعوب العريانة الي باتت بردانة ما لقاتش وراق الكتب تتغطى بيهم و لا لقات حرية فكر و لا دين والديهم

    w youfa.

    RépondreSupprimer
  2. لوكان ما رديتش الفعل كنت بالمجد عاطس و في مدونتك غاطس
    في كلامك ما عندي ما نقول
    واللي ما يسمعكش مطروش والا مهبول
    و ينجم يكون مزطول
    في ما هدا الخرم هذا الكل عندي إحساس غريب بالإهانة من جراء فتح المجال للشلايك

    RépondreSupprimer
  3. إينعمبو ربّك محلاك

    RépondreSupprimer
  4. يعطيك الصحة يا بنت طراد

    RépondreSupprimer
  5. ki na9rak t9oul na3mil fi starrr cocaine!! mabannik

    RépondreSupprimer
  6. wa33333333333333333 star cocaïne jémla WTF :D
    merci
    تعليق و امر برشا عباد تستغرب التراوح بين النصوص الي باللغتين و تعتبر الي اهتمامي ب بسيكو ام موش حاجة باهية انا راني نمن الي البلومة لا زمها تغطس في خندق البلاد و المجتمع الي تولدت فيهم بش تنجم تكون صحيحة و تعبر على هواجس صاحبها بسيكو ام و ان كان جات في راسو خاطر بدى قبلو كوستا و بلطي يمثل اليوم خطر على المجتمع لانها الناس هاذي ما تكتفيش بطرح افكارها الواهية بل انها تلجا الى تقزيم الاخر و تكسير فكرو و قناعاتو و بالكذب بش تنجم تكون عندها مصداقية انا نقول الي سوسن تمكنت من ترويض هالمتسوفج خاطرها معروفة اما فمة بنات و منهم صديقات تصاورهم تحوس في كليبات بلطي و حتى القضاء متلف الجرة و فوق هذطا و دونو اذا نرجعو لفن الراب ما فماش مشاكل في تونس اهم و اعمق من المرا الي استبنات خطاب الرجال و قلبتوا عليهم الا اذا كان مشروع بسيكو م و غيرو هو خونجة المجتمع التزونسي هنا انا مستعدة نكتب و كان لزم حاجة اخرى نحن لها
    و نعتبر الي ركوب الفة يوسف و خميس الخياطي على حادثة سوسن غلطة كارها تفنطلتها علقليلة المحامية فمنطذ متى يستوي الفنان و ذلك باختلاف التقاييم حول فنو و الرجل السياسي و الا المفكر و ان كنت ارفض في حالتي يوسف و الخياطي اعنبارهما بمفكرين

    RépondreSupprimer
  7. moi je trouve que ce débat est très drôle deux pseudos artistes qui se chamaillent et des pseudos journalistes qui font le buzz il y a des choses plus importante en Tunisie comme le chômage l’éducation le transport et ces jeunes qu'aujourd hui se suicide continuez a faire diversion malheureusement beaucoup de gens ont gober votre histoire a la con

    RépondreSupprimer
  8. كلامك يا بنت طراد عرى جرحي المغبون وخلاني نداويه اليوم ، لا عينتي في فنّ كي العفن ولا في كلاب البارح واليوم نحب الموزيكا صوتها يعلى والدنيا تعرّش على الزوالي والمحروق واللي يعاني في الكيران الصفراء وتحت قناطر التحوّل المجيد ، كلامك وجيعة خلاتني نحيا ونقول للأشباه والظل اتقعدّ فيق راك مسكين ماريونات بالخيط وين يحبوك تتحرك وتنسى اللى صاير فيك يجبدولك على حرية الانثى ودين والديك ما شميتش ريحة اللحم النيّ كي قاعد يتشوى في الحوم والزناقى والقهاوي والشوارع اللى مليانة بتصاور ربّك اللذي لا شريك له والا عميت على هذا الكل وما وليت بطل كان مع ربي رب الكل اللى فوق سبعة سموات متبنبر

    RépondreSupprimer
  9. Merci Bent Trad. Psycho-M pour moi est un psychopathe. Je deteste le masochisme.

    Tunisienne.

    RépondreSupprimer
  10. @ anonyme (1) ; le titre va dans le même sens que toi psycho M n'est qu une concrétisation d une psychoZ collective et avérée dans une société qui souffre
    5sara 9ritou dra kiféch parce que c'est ce que je voulais dire il a été écrit avant que je n'apprenne l'immolation du jeune tunisien à sidi Bouzid sinon j'en aurai parlé parce qu'en effet je pense que la société Tunisienne a de grands maux mais mon esprit dialectique m'empêche de dire que tel phénomère sociétal est plus important que l'autre les deux sont le fruit d'une même source ou origine
    @ tous les autres : merciiiiiiiiiiiiiiii de me lire et heureuse qu'il y ait des gens qui partagent mes soucis et ma conception des choses :)))

    RépondreSupprimer
  11. bravo bent trad zidt kbirt fi 3ini :D (ahmed chtourou)

    RépondreSupprimer
  12. شبيك تقلق في روحك على خاطرو الرابير بسيكو م. ريتو في فييو يحكي يقول اللي هو يحب ستشهد من اجل الدين. ادعيلوا باش يمشي يستشهد وزيد ادعيلو بمية واربعة واربعين حورية على خاظرو هو فنان وستار

    RépondreSupprimer
  13. Ce commentaire a été supprimé par l'auteur.

    RépondreSupprimer
  14. موسيقى رائعة...وهاك بسيكو إم..كان نشدو..إلاما نبدا نشلفط فيه على ترمته بشلاكة نيلون نيمرو 44 نجيبها من الميضاء متاع الجامع لين يتوب

    RépondreSupprimer
  15. ana l9it lblog hatha bessodfa ama moch bessodfa n7eb n9oul bravo

    RépondreSupprimer
  16. بسم الله الرحمان الرحيم
    اللهمّ اشرح لي صدري و يسّر لي امري واحلل عقدة من لساني يفقهوا قولي، أمّا بعد:
    كي شفت الجلسة ألّي عملوها لمحمد "بسيكو آم" و كيفاش دايرين بيه !! كي هاك السّارق ألّي شدّوه في حمّام النساء!! راهو أيّ واحد في الموقف هذاكا أفكارو ماشي تتشتّت و مهوش ماش يعرف شنو يقول!!!
    في الفديو الثّاني محمد حبّ إوضّح أنّو معتذرش لسوسن !!! نحبّ نقلّك يا محمّد أحنا محناش ضدّ الإعتذار مستعدّين باش نعتذروا و لكن بعد ميعتذرولنا هوما !!! سوسن تطلب السّماح من البنات المتحجبات تقلهم سامحوني كان ظهّرتكم في صورة البنت المتردّدة و عديمة الشخصيّة و محقّنيش ندخّل في حياتكم الخاصّة و تقول للعايلات المحافضة سامحوني على خاترني عملت إنتارڢيو في "بار راستوران" و على خاترني قلت كلام ميتقالش في التلفزة في "ناس نسمة" وقتها تو أحنا بيدنا نعتذرولك و نقولولك سامحنا إنت عندك فكرك و أحنا عندنا فكرنا و أخطانا يرحم بوك.
    ألفة زادا تعتذر من أولياء البنات ألّي يحاولو يستحفضو على أعراضهم تقلّهم محقّنيش نقول "البكارة حريّة شخصيّة للفتات" و سامحوني كان إدّخلت في حياتكم الشخصيّة.
    النّوري بوزيد يطلب السّماح من الرجال ألّي مزالت عندهم نخوة و رجولة إقلّهم سامحوني شكّكت في بناتكم و خواتكم و نسائكم و راني رميت المحصّنات بدون أيّ دليل!!! تعرف شنو معناتها 80% من البنات فاقدين العذارة قبل الزواج ؟!! يعنى ألّي عندوا 5 أخوات بنات 4 منهم ماهمش بكر !!! قال تعالى:وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا ۚ وَأُولَٰئِكَ هُمُ الْفَاسِقُونَ (4) (صدق الله العظيم) و أحنا طالبين منّك تتطلب السّماح تتمشيشي تحساب نحبّو نجلدوك؟!!
    نحبّ نفهّم البعض الّي جايين بلوغة "المطالبة بالتحرّر" ... راهو ماتنجّم إتّطالب بحاجة كان كي تبدا محروم منها!!
    كيفاش واحد حرّ يطالب بالحرّيّة ؟؟!! أبو القاسم الشّابّي كي طالب بالإستقلال على خاترو كان مُستعمر، كيفاش وحدة قاعدة تشرب في البيرّة إتّطالب بحرّية المرأة !!! وين تحب توصل بالحرّيّة بربّي ؟؟!! علاش متسمّيوهاش "دعوة للرّذيلة" باش متقعدوش وحدكم تحبّوا لعباد الكلّ كيفكم باش ما تحسّوش بالذنب!!! على خاتر البشر إحبّ كي يبدى غالط مذبيه لعباد الكلّ كيفو السّارق مذابيه لعباد الكلّ سرّاق البنت الغير عذراء مذبيها لبنات الكلّ كيفها المخنّثون مذبيهم الرّجال الكل مخنّثة... أهل لوط علاش حبّوا يخرّجوا سيّدنا لوط من قريتهم ؟؟ قال تعالى: وَمَا كَانَ جَوَابَ قَوْمِهِ إِلَّا أَنْ قَالُوا أَخْرِجُوهُمْ مِنْ قَرْيَتِكُمْ ۖ إِنَّهُمْ أُنَاسٌ يَتَطَهَّرُونَ (82) (صدق الله العظيم)
    على خاترهم ناس متطهّرين إحبّوا إخرّجوهم كيفنا أحنا على خاترنا نلوّجوا على الشّرف و العفّة ماساعدكمش تحبونا نوليو كيفكم ولّا إخّلونا للحبس !!!
    و كان فمّا شكون يطالب بالتحرّر فراهو أحنا الأولى بالمطالبة. والسّلام

    RépondreSupprimer
  17. بسم الله الرحمان الرحيم
    ، أمّا بعد:
    أحنا محناش ضدّ الإعتذار مستعدّين باش نعتذروا و لكن بعد ميعتذرولنا هوما !!! سوسن تطلب السّماح من البنات المتحجبات تقلهم سامحوني كان ظهّرتكم في صورة البنت المتردّدة و عديمة الشخصيّة و محقّنيش ندخّل في حياتكم الخاصّة و تقول للعايلات المحافضة سامحوني على خاترني عملت إنتارڢيو في "بار راستوران" و على خاترني قلت كلام ميتقالش في التلفزة في "ناس نسمة" وقتها تو أحنا بيدنا نعتذرولك و نقولولك سامحنا إنت عندك فكرك و أحنا عندنا فكرنا و أخطانا يرحم بوك.
    ألفة زادا تعتذر من أولياء البنات ألّي يحاولو يستحفضو على أعراضهم تقلّهم محقّنيش نقول "البكارة حريّة شخصيّة للفتات" و سامحوني كان إدّخلت في حياتكم الشخصيّة.
    النّوري بوزيد يطلب السّماح من الرجال ألّي مزالت عندهم نخوة و رجولة إقلّهم سامحوني شكّكت في بناتكم و خواتكم و نسائكم و راني رميت المحصّنات بدون أيّ دليل!!! تعرف شنو معناتها 80% من البنات فاقدين العذارة قبل الزواج ؟!! يعنى ألّي عندوا 5 أخوات بنات 4 منهم ماهمش بكر !!! قال تعالى:وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا ۚ وَأُولَٰئِكَ هُمُ الْفَاسِقُونَ (4) (صدق الله العظيم) و أحنا طالبين منّك تتطلب السّماح تتمشيشي تحساب نحبّو نجلدوك؟!!
    نحبّ نفهّم البعض الّي جايين بلوغة "المطالبة بالتحرّر" ... راهو ماتنجّم إتّطالب بحاجة كان كي تبدا محروم منها!!
    كيفاش واحد حرّ يطالب بالحرّيّة ؟؟!! أبو القاسم الشّابّي كي طالب بالإستقلال على خاترو كان مُستعمر، كيفاش وحدة قاعدة تشرب في البيرّة إتّطالب بحرّية المرأة !!! وين تحب توصل بالحرّيّة بربّي ؟؟!! علاش متسمّيوهاش "دعوة للرّذيلة" باش متقعدوش وحدكم تحبّوا لعباد الكلّ كيفكم باش ما تحسّوش بالذنب!!! على خاتر البشر إحبّ كي يبدى غالط مذبيه لعباد الكلّ كيفو السّارق مذابيه لعباد الكلّ سرّاق البنت الغير عذراء مذبيها لبنات الكلّ كيفها المخنّثون مذبيهم الرّجال الكل مخنّثة... أهل لوط علاش حبّوا يخرّجوا سيّدنا لوط من قريتهم ؟؟ قال تعالى: وَمَا كَانَ جَوَابَ قَوْمِهِ إِلَّا أَنْ قَالُوا أَخْرِجُوهُمْ مِنْ قَرْيَتِكُمْ ۖ إِنَّهُمْ أُنَاسٌ يَتَطَهَّرُونَ (82) (صدق الله العظيم)
    على خاترهم ناس متطهّرين إحبّوا إخرّجوهم كيفنا أحنا على خاترنا نلوّجوا على الشّرف و العفّة ماساعدكمش تحبونا نوليو كيفكم ولّا إخّلونا للحبس !!!
    و كان فمّا شكون يطالب بالتحرّر فراهو أحنا الأولى بالمطالبة. والسّلام

    RépondreSupprimer
  18. بسم الله الرحمان الرحيم
    !!! سوسن تطلب السّماح من البنات المتحجبات تقلهم سامحوني كان ظهّرتكم في صورة البنت المتردّدة و عديمة الشخصيّة و محقّنيش ندخّل في حياتكم الخاصّة و تقول للعايلات المحافضة سامحوني على خاترني عملت إنتارڢيو في "بار راستوران" و على خاترني قلت كلام ميتقالش في التلفزة في "ناس نسمة" وقتها تو أحنا بيدنا نعتذرولك و نقولولك سامحنا إنت عندك فكرك و أحنا عندنا فكرنا و أخطانا يرحم بوك.
    ألفة زادا تعتذر من أولياء البنات ألّي يحاولو يستحفضو على أعراضهم تقلّهم محقّنيش نقول "البكارة حريّة شخصيّة للفتات" و سامحوني كان إدّخلت في حياتكم الشخصيّة.
    النّوري بوزيد يطلب السّماح من الرجال ألّي مزالت عندهم نخوة و رجولة إقلّهم سامحوني شكّكت في بناتكم و خواتكم و نسائكم و راني رميت المحصّنات بدون أيّ دليل!!! تعرف شنو معناتها 80% من البنات فاقدين العذارة قبل الزواج ؟!! يعنى ألّي عندوا 5 أخوات بنات 4 منهم ماهمش بكر !!! قال تعالى:وَالَّذِينَ يَرْمُونَ الْمُحْصَنَاتِ ثُمَّ لَمْ يَأْتُوا بِأَرْبَعَةِ شُهَدَاءَ فَاجْلِدُوهُمْ ثَمَانِينَ جَلْدَةً وَلَا تَقْبَلُوا لَهُمْ شَهَادَةً أَبَدًا ۚ وَأُولَٰئِكَ هُمُ الْفَاسِقُونَ (4) (صدق الله العظيم) و أحنا طالبين منّك تتطلب السّماح تتمشيشي تحساب نحبّو نجلدوك؟!!
    نحبّ نفهّم البعض الّي جايين بلوغة "المطالبة بالتحرّر" ... راهو ماتنجّم إتّطالب بحاجة كان كي تبدا محروم منها!!
    كيفاش واحد حرّ يطالب بالحرّيّة ؟؟!! أبو القاسم الشّابّي كي طالب بالإستقلال على خاترو كان مُستعمر، كيفاش وحدة قاعدة تشرب في البيرّة إتّطالب بحرّية المرأة !!! وين تحب توصل بالحرّيّة بربّي ؟؟!! علاش متسمّيوهاش "دعوة للرّذيلة" باش متقعدوش وحدكم تحبّوا لعباد الكلّ كيفكم باش ما تحسّوش بالذنب!!! على خاتر البشر إحبّ كي يبدى غالط مذبيه لعباد الكلّ كيفو السّارق مذابيه لعباد الكلّ سرّاق البنت الغير عذراء مذبيها لبنات الكلّ كيفها المخنّثون مذبيهم الرّجال الكل مخنّثة... أهل لوط علاش حبّوا يخرّجوا سيّدنا لوط من قريتهم ؟؟ قال تعالى: وَمَا كَانَ جَوَابَ قَوْمِهِ إِلَّا أَنْ قَالُوا أَخْرِجُوهُمْ مِنْ قَرْيَتِكُمْ ۖ إِنَّهُمْ أُنَاسٌ يَتَطَهَّرُونَ (82) (صدق الله العظيم)
    على خاترهم ناس متطهّرين إحبّوا إخرّجوهم كيفنا أحنا على خاترنا نلوّجوا على الشّرف و العفّة ماساعدكمش تحبونا نوليو كيفكم ولّا إخّلونا للحبس !!!
    و كان فمّا شكون يطالب بالتحرّر فراهو أحنا الأولى بالمطالبة. والسّلام

    RépondreSupprimer
  19. بسم الله الرحمان الرحيم

    نحبّ نفهّم البعض الّي جايين بلوغة "المطالبة بالتحرّر" ... راهو ماتنجّم إتّطالب بحاجة كان كي تبدا محروم منها!!
    كيفاش واحد حرّ يطالب بالحرّيّة ؟؟!! أبو القاسم الشّابّي كي طالب بالإستقلال على خاترو كان مُستعمر، كيفاش وحدة قاعدة تشرب في البيرّة إتّطالب بحرّية المرأة !!! وين تحب توصل بالحرّيّة بربّي ؟؟!! علاش متسمّيوهاش "دعوة للرّذيلة" باش متقعدوش وحدكم تحبّوا لعباد الكلّ كيفكم باش ما تحسّوش بالذنب!!! على خاتر البشر إحبّ كي يبدى غالط مذبيه لعباد الكلّ كيفو السّارق مذابيه لعباد الكلّ سرّاق البنت الغير عذراء مذبيها لبنات الكلّ كيفها المخنّثون مذبيهم الرّجال الكل مخنّثة... أهل لوط علاش حبّوا يخرّجوا سيّدنا لوط من قريتهم ؟؟ قال تعالى: وَمَا كَانَ جَوَابَ قَوْمِهِ إِلَّا أَنْ قَالُوا أَخْرِجُوهُمْ مِنْ قَرْيَتِكُمْ ۖ إِنَّهُمْ أُنَاسٌ يَتَطَهَّرُونَ (82) (صدق الله العظيم)
    على خاترهم ناس متطهّرين إحبّوا إخرّجوهم كيفنا أحنا على خاترنا نلوّجوا على الشّرف و العفّة ماساعدكمش تحبونا نوليو كيفكم ولّا إخّلونا للحبس !!!
    و كان فمّا شكون يطالب بالتحرّر فراهو أحنا الأولى بالمطالبة. والسّلام

    RépondreSupprimer
  20. enti w amthalek kim sawssen m3alej wel kamcha el 7outhala kollkom ki b3athkom mwabbna w 97ab wetlawjou 3la 5rabha.

    RépondreSupprimer
  21. Excellent blog, excellent article ..
    Continue à nous épater Bent trad
    Merci

    RépondreSupprimer