بو لحية يا بو لحية بيك نموت بيك نحيا

بو لحية يا بولحية بيك نموت بيك نحيا

ايه سيدي ايه من مدة و انا كثلة من مستعملي فايسبوك لا يعايروك نتفرجو بعينينا و الجاير طالع هابط في قلوبنا في جماعة بو لحية

هذام يا سيدي جماعة اختاروا انهم ينغصوا حياة العريبة و يحيروهم اهوكا فما شكون حار و كتب كتاب و فمة شكون حار و ضاع دليلو و فمة شكون حار و دار يفرت في ما تيسر من كتب و قراءات باش يحاول يوقف هالزحف الجارف متع الجهل و فمة الي الي حار و قرر ينزل عل الالهة ماغون طالبا منها النسيان في اقرب كاس بش ما تثقلش الفاتورة

جماعة تتدعي امتلاك المعرفة و الحقيقة المطلقة  الي ساعة ساعة تولي خفية هههه و يتفننوا في تحليل كل الظواهر و الصراعات الين راو فيها مالنساء للدواء مرورا بالرهج و الطحالب

جماعة بصراحة ما تحلا ش معاهم لا خنقة و لا خلاعة و كي تشوفهم القباعة تعيط يا شفاعة لا اكثر و لا اقل كمشة مهمجين عالعقل متخلين تقلهم هم يقولوا امين تقلهم زمم يجاوبوا حاضرين تقلهم هيا يقلك خلينا قاعدين وراء البيسي حاركين الطوابع في الجبين و السراول بالقدر فوق الكعبتين ما يقدوا رواحهم كان مع الناس الافتراضيين و عن 

 الحياة متخلين

                 

              

كل يوم يفتيو مالارانب للعينين و عالبهامة دازين كي يجد الجد تلقاهم في الصفوف الاولين متع الطحين و مالرسمي رواحهم سالين و العباد مبهمين باهتين هاذم بشر و الا حلالف محلفين عالتسطيكة و الترهدين

جماعة بو لحية هاذم عصابة و الخنن منهم كل نهار صابة نكروا في جميع العلماء و المؤرخين و اختزلوا الامور في المؤخرات و التزعبين كل من يخالفهم زنس و احترفوا الدعارة و الجنس : دعارتهم فكرية و الفكر عندهم بكارة ما يمسها كان الدجال منهم يا وليدي جماعة بهبارة

خطابهم واهي بما انو عقلهم لاهي ببدوناتهم الي تحلم بالملاهي اليلية و الا الغيبية مع حوريات و اودية خمرية, يتركزوا عالزمم متع شعوب مخنوقة مشنوقة بش يصدروا حكم و هي حكم ههه حرام اكل الارانب عندها حخالب مسموح برضاعة الكبير و شنية المشكلة انك صغير مادام بولحية بش ياخذك عرفيا اما بضمير اي يصير على الفلسفات و شعوب الشخير الي تمدت و عفست على سي الضمير و من هاك العام اعدمت التفكير و ولات تصفق على اي تغيرر حتى كان عفسهم الشمانديفير

جماعة دجالة يبيعوا في الوهم لليائسين المايسين  الي كيفهم غاوين دموع و انين

دحضوا كل النظريات بكلمتين خوات محللات و محرمات و العباد وراهم كالقطيع مصطفين يستناو في كلام الشيخ منين و عالقرار العقلاني عاجزين

جماعة بولحية يعطيهم محية معتبرين نفسهم الحصن الحصين للالهة و الدين وقتلي هوماداء دفين على قلوبنا جاثمين و على عقلنا مغلبين

اما يا بولحية بيك نموت بيك نحيا لين نهار الناس تفيق و  تحيا الي انتوما اكبر سلسلة في الساقين

اما هالجماعة سون اكسيبسيون في حزب الديك كلهم منخرطين وقتها يوليو ديمقراطيين يمنوا بالتعددية في سبيل الحد من العزوبية يعطيهم في داء في العضوية هعع هعع تو  ترتاح منهم النساء و البشرية

يا بولحية يعطيك محية !!!

تنبيه: هذا النص موجه للدغمائيين