تدوّر ورقة

تدوّر ورقة
تلفّها في مخّك
الكلمة تحسّها
تحبّ تحبّر
امّا تلقى روحك تشعّل
الكلمة تتكتب و ان تتجيّف !!
تي وضع يعيّف
سليانة سيدي بوزيد الرديّف
البلاد الكلّ تخيّش !
حبار غبار حشيش
الورقة تهبط ريش
سيّب عليك مالتبربيش
تترصّيك تشوتي الشّيريف
و بوب في الكوليس يتفرّج عالبوب البوليس
لا عند ودستوك عند نوت اون بلوك
وراق معبيّة بحكاياتك و وراق تدور تقصّرلك حياتك!
سيّب عليك مالغنجة راهي تعمل مرجة
بعينيها السود تطيّحلك عينيك
تنسّيك اما تورّيك الي النّور فيك
تدوّر ورقة
تلفّها في مخّك
الكلمة تحسّها
تحبّ تعبّر
اما تلقى روحك في الاحباس
يموت الاحساس ؛ تهرب عالنّاس
تشدّ الكيّاس بينك و بين العالم ورقة
وهالامّة لن ترقى و لا تقرا
و تذوب الورقةحشيشة في دمّك
و على العالم تلهّيك !

و الورقة تذوب و عيشتنا القحبة ما توب !!

شقّان الفطر

مشيتلها

تبعّت خطاويها

فارغة، خالية من امّاليها

ساكتة

تستنى في صمتها تتمنّى

في هاك الوقت شكون يزورها و شكون يلهّيها

ريحتها : ريحكة كانون و مرا تنشر في صابون

و مشموم معيّن يستنى في شقان الفطر في بركون

شوارع خالية

و انا نتخيّل

انا نتبسّم و هي تميّل

عبّاوها بزبلتهم و تركوها

لا صانو تركتهم و لا نهار بش يحبّوها

جرايد، اوراق، شكاير بلاستيك

يا مدينتي معاهم شنوة التكتيك ؟

نصب، الميزيريا في الشوارع قبب

و انا هايمة لاعرفت نحبّ لا عرفت نسبّ !!

روايح منتنة طالعة مالحيوط

وكان تهرب مالريحة تطيّحكك الزيوت

ملاها مدينتي من هجركم العنكبوت

امّا الحرّة عمرها ما تموت

شدّت على يديّا

و هزّتني في ابهى ثنيّة

تحلّتلي و عملتلي هديّة

و هزّيت عينيّا للسماء

مقوى غزرتها يعطيها عزاء

رخام و فايونس و توارخ مرشومة

يعطيها الذاكرة قدّاش مشومة

مشيت في باب سويقة

شعلت في الجواجي حريقة

بلاصات خاربة و ناس عايشة في الشقوق

و سقوفات طايحة و ناس ما خايفة الموت

جرابع تتناڨز في كلّ تركينة

و قالك من سمة البلاد ياسمينة !!!

المدينة العربي

قهواجي يسربي

ريحة كانون

سرّ و كمّون

شوارع المدينة ولاّت سفينة

و رحلت بيّا لباب بحر

يا واللّه زهر

صبّت المطر

جاني الخبر

المدينة ليك شوارعها ثنيّة

هيم فيها تعرف البقيّة !!!

المدينة حوم و لاّت خيم

في باب بنات اعتصامات

مقتضيات الحركات !

قالوا ثورية !

يا ناري فيك و يا نارك فيّا

زعمة الكلّها ناوية عالحريّة !؟

بلاستيك و شكاير و كرظونة

و اتلال و جيش و عصافر ممحونة

و عييت و قعدت في ساحة الحكومة

يلعن بو الحكومات و خططهم المرسومة

آش مدخّل الحجر في الكلب الّي غدر

في الحبيب الّي هجر

المدينة عزوزة

شقوقها هوما جلودها

حفرها هوما جدودها

و زبلتكم هي خيانتكم !!

الّي عالحيوط بال وقال : هبال !

الّي عالحيوط كرطش و قال: فوشيك !

الّي عالخيوط مخط و قال : خطّ !

الّي عالحيوط بصق و قال : خمج فينا لصق !

الّي عالحيوط بات و ولّى مع حشيش حجراتك نبات !

الّي عالحيوط لصّق حبيبتو و ضربها و قال مقحبها !

الّي عالحيوط لصّق حبيبو و باس و قال لاباس !

الّي عالحيوط تكّى و بكى و تخنق و قال : غاز !

الّي كيفي على حيوطك كتب من غدوة تفسّخ و تسبّ!

يا مدينة يا هايمة

عنّقني اعشقني لا انت و لا انا عليك صايمة !

شقّان الفطر

نفذ الصبر

اخرجوا بخطاويكم آلمدينة زهّيو

غنّيوا و باصواتكم المدينة عالحزن لهّيو !!

سيّبوا دياركم و اهبطوا للشوارع !

المدينة مع الخوف وحدها تتفارع !

يذّن الامام و يتخبّى المشموم

وجنوب بلادي بهمّو مهموم

انا في القصبة و وجيعتي في بقايا نصبة

هو يكبّر و انا في روحي نصبّر

الّي يقاتل و المقتول يخمّموا في شربة و لاّ في صحور ؟

خمّمو في قهوة و لاّ في بخور ؟

آذان ...احزان... قلبي بهالمدينة مليان ...

la cour des grands

Je jouais dans la cour des grands
Balançoire Barbie toupie
Et hop le tapis, KO
Je jouais comme tous les petits
Sauf que les petits c pas la vie
Les grands  sont cons
Les grands sont méchants

Je jouais à  la poupée,
Comme ma mère je me  défoulais
Avant de dessouler
E hop quelques côtes cassés
Les grands sont cons
Les grands sont violents

Je fumais des bouts de bois
Comme fumait des clopes papa
Et hop cancer
Faut qu’on m’enterre
Les grands sont cons
Les grands sont inconscients

Je déposais un bisou sur sa joue
Cour de l’école, petits ripoux
Et sans cogiter un aveu
Hop un adieu
Les adultes sont cons
Les adultes prennent trop le temps

Je jouais dans la cour des grands
Je suis tombée
Du sang a éclaboussé
Hop de battre le cœur a refusé
Les grands sont cons
Les grands sont crevants

منين جيتني ؟

منين جيتني ؟

مانة ثنّية ؟

كيفاش وصلت ؟

كيفاش دخلت ؟

منين جيتني ؟

مانة حلمة منسيّة ؟

شكون عطاك اسمي و لون عينيّا ؟

شكون حكالك الّي انا بيك مبليّة ؟

منين جيتني ؟

سألت النجوم عليك

ضحكت عليّا :

سرّ العشّاق ليّا ثنيّة !!

تلفّت للڨمرة حرقتني كالجمرة :

علاش تسأل عالثنيّة ؟ اذا حبيبك ملاقيك !!!

غزرت للغيوم همزتهم النجوم :

" نحنا بيدنا شادّين الثنيّة !!!"

منين جيتني ؟

و انا في هاللّيل شموعي مطفيّة ؟؟!!!

منين جيتني  ؟

ما جيتكش !!

يمكن ياسر ما اخترتكش

بالزهر ريتك ضايعة ماك لحتى ثنية طايعة

قلت نتمشّاو

نحبّ نكون...

نحبّ نكون نجمة في سماك

نحبّ نكون :

صحرتك و ماك

خنقتك و هواك

خريفك و شتاك

نحبّ نكون وردتك بلاشوك

نحبّ نكون نارك بلا حريقة

نحبّ نكون كاسك و نسقيك

نحبّ نكون غناية تزهّيك

نحبّ نكون كتاب يلهّيك

نحبّ نكون ساعة من نهاراتك

نحبّ نكون بلادك كالبلاد ترميك

نحبّ نكون ماضيك اذا الحاضر موش راضيك

نحبّ نكون اللون آلّي في عينيك

نحبّ عينيك ... الّي ما يراونيش

و كان راوني ما يتوحّشونيش ...

نحبّ نكون الغطاء الّي يدفّيك اذا بردت الدنيا عليك

نحبّ نكون شمعة و نضوّي ليلة من لياليك

نحبّ نكون حكاية تحكاتلك و سكنت فيك

نحبّ نكون ياسمينة و انت متعدّي نفوّح عليك

نحبّ نكون طفلة صغيرة تضحكلها اذا عثرت في خطاويك

نحبّ نكون كيّاس تشدّوا اذا هوني تخنقت الانفاس

نحبّ نكون فرطتّو في النار ترميه اذا ما تلقى وين تحطّوا

نحبّ نكون تصويرة هاززها معاك في كلّ شيرة

نحبّ نكون مسيرتك الغير مرخّص فيها و الزدمة متع الدمّ في عروقك

نحبّ نكون هاك الزربوط الّي عليه سوايع شدّيت الحومة و الحيوط

نكذب عليك ما نحبّ نكون شي

نحبّ نكون نسمة و يدزّوها الارياح

نحبّ نكون نوّارة مطيّشة في جبل

نحبّ نكون حوتة في البحر

نحبّ نكون المطر

نكذب عليك ما تخافش ما نحبّش نكون

و لاّ ما نحبّ نكون شي ما تخافش

نحبّ نكون نوتة متع موزيكا مسامحة في السيمفونية

نحبّ نكون نار شطحت عليها غجرية

نحبّ نكون آثار مازالت مالقاتهاش البشرية ...

لمّة تطير الغمّة

لبس الدنڨري و المظلّة

فوّح بضحكتو لوّح

شرب قهيوة عربي و صبّ فيها الزهر

و غزرلي في عينيّا و استدعاني على ثنيّة

هزني للواحة، خلّى الدنيا دوّاحة

حكالي عالنخل و تغنّالي بالحنّة

رجعني طفلة صغيرة

هايجة، مالكتها التنطيرة

نسّاني في كبري و شيباتي الاوّلين

رجعّلي الحنين ...

و روّحنا للدّار

انا و عزيزي زوز فروخ صغار

خفاف و في يدينا قفاف

دڨلة و رند و رمّان

بالنا زاهي و القلب مطمان

و جات ممّاتي تتكعبر كالغشّيرة

تتهنّى عليّا فرحانة و لاّ لا ؟؟

يا حسرة آخر مرّة سألوني هالسؤال كان بعد عزى !

و حطّت عالجمر بخور و طلع مالكانون غناء مسحور

و تملاو بالدمع عينيا قداش من عام نسيت هالثنية

و هي الاقرب من جواجيا ...

و قعدت عالجلد و غنّات :

" يا رمّانة يا رميمنة ..."

ومعاها الزهوة بدات

و تعدّى الشايب الكبران : مش بش تطيّبي الغداء ؟ "

جاوبتو : " وبرّة ليلة ماكليناش ؟؟؟ "

عندها الحقّ من مدّة روحي ما شبعتش !

ممّاتي يقولو تتحرّك بالسّيف

امّا العزايز يتحرّكو بالكيف

هزّني النوم تحت النخلة

قمت نلقى الطاولة منصوبة

و النجوم عاملة حفلة ...

نحبّ نكمّل عمري فلاّحة

نحكي مع نخلة و انا مرتاحة

نحبّ نبعد عالمدينة و عبادها

مزيّفين، مجيّفين عالهمّ دازين

نحبّ نزرع الحنّة

في يدين عروسة تتهنّى

نحبّ نشمّ ريحة الارض

هي الاصل، هي الفصل، هي العرض ...

جاء وقت الشيشة

و كاس التاي المنعنع

و حلّ الشايب الراديون

فدّ ظاهر عينو في امّ كلثوم !

اما هالايّام الراديون مسموم !

جبتلو "امل حياتي" ملّي في باب سويقة

كان عاملها عشيقة !

تبسّم و جبد نفس هو نفخو و الوقت حبس !

تفكّرت و انا عمري ما ريتها ...

امّي بظفيرتها دايرين بيها اخوتها

يسمعوا في الراديون و غادي يبدى و يوفى الكون !!

l'Horreur a un visage , son visage est africain!!!

l'Horreur a un visage , son visage est africain!!!
on dit que c'est la famine moi je dis que c'est l'Homme-machine !!
un système économique Totalitaire : interdiction que le berceau de l'Humanité prospère !
un crime organisé par une bande de mafieux qui ne font que sièger
dans les conseils dans lesG8 dans les G20 et qu'il crève ce gosse, tant qu'ils ont des croquettes pour leurs chiens !!
une véritable tuerie étudiée et pour l'hécatombe il ramène, l'occident, sa caméra pour dénoncer !
il refuse aux mémoires mutilées même la pudeur d'enterrer !!
l'Horreur a un visage, son visage est Humain !!!
les uns sur-consomment pour que d'autres crèvent comme des chiens !
leurs princesses portent des diadèmes et des bagues en diamants
et nos gosses crèvent par terre en étant pour les vautours des aimants
qu'il est beau vot'monde et vot'petit village mondialisé
et vos OGM et vos mac do ces armes de destruction massive économiquement étudiées !
on vend aux gouvernements des armes pour offrir aux peuples du sang et des larmes
et ça vient devant les médias ces grosses trainées vendre le mythe des droits de l'Humanité
vous ne m'en voudrez pas si je souhaite à la planète un big bang qui viendra tout arrêter
car l'Histoire a décidé de chier sur l'Afrique dès que le capital se met à chavirer !!!
excusez-moi les petits vous n'aurez pas la chance de continuer ni la route, ni la déroute
l'ordre mondial a votre destin scellé : crever, crever, crever, crever, crever, crever !!!!