اليوم نزيد كاس

اليوم نزيد كاس علي روّح و ما رجع لباس

و نزيدو علي حبيبتو لَوّح و ما لقى ثنيتو

اليوم نزيد كاس و ما فيها باس

كان سكرت مخي معاك و قتلك كليمة احساس

اليوم زاهية و ما تعرف على غدوة و احكام الانفاس

و ما فيها عيب كان قلبي يشيب

نزيد و نرفعوا علي مات فوق مدفعوا ههه

شاهي طفلة سمراء ذكرتوا بعيبو

و نزيد كاس و الا ثنين ما نعرف نحكم في الشيء البنين

ليوم نزيد كاس على النفاس الاحباس

الي لا تنفع فيهم لا هراوة و لا فاس

و ولاو يكبوا و يدعيو عالكياس

ليوم نزيد كاس و قارورة

لاحكام الحياة ضرورة

بخلاف الجوامع و الكورة

و نزيد قارورة و الا ثنين

و ما فيها عيب كان تبسمتلك تبسيمتين

و بوسة في العينين

و نزيد كاس للعولمة و النظام الجديد

يا حبيبي راس شهر كيف زمنكتو ديما عيد

شانعين مولعين هشاكشنا هادرين

نلوجوا عالدينار في عمامة الشيخ وين

من بيت المونة  كل عام و حنا جيعانين

و الا في الزيتونة و قلوبنا مطمانين

و نزيد كاس للويكيليكس العفاس

الي قطع علينا الانفاس

و كي طلينا لقينا عمار في وجوهنا عساس

ونزيد دبوزة عالعزوزة

و ضحكتها و سنيها الالماس

و لسانو كلامها الاماس هععع

و نزيد كاس

عالجلود الي تحرقت

الي النار اعمارهم سرقت

و القلوب الي دمعت

و اليدين الي تكتفت

الي الغبنة عروقها ستفت

ووينو العيب يا ايها الشخص الغريب

كان حكيتلك علي فيا

 ما فهمتش الي بين الكاس و الكاس فيك نجي نرتاح
اليوم نزيد كيسان ساك فماش ما ننساك و نخرج من بلاك