mercredi 17 novembre 2010

نهار السبت و الخدمة بفففففففففف

الخدمة نهار السبت كالعذر يدرع الخواطر اما ما يقتلش اتعس ساعات زاده يخلي حياتك الكلها كالتوالات مرعوب لا تدخل و ما تخرجش نعرف الي المقارنة كالخرى اما الخرى عندو وظيفة نبيلة للجسم خدمة نهارة السبت لا
بزهر الزبراطة هههه ديكا هوما الي يخدمو بالسبت و ذلك لسبب بسيط انو ما فماش ما اذكى من زبراط ههه ريت البلعة متع البارح مازالت تسري في عنوقي
الحاصل الكلها تجيى تعترق بالماغون بوص العينين محوقة و الشوارب تتدلدل الماء  و القهاوي خدامة اما موش هنا الاتعس التعس الي يبعبرلك كيانك انك ليله قبل روفوليت رغبتك في السكر و الادهى و الامر انك تاعب و صعيب كان تعاود تلنصي سهرية خمرية بالسبت الحاصل تلقا روحك في مازق بسيكولوجي سيزيفي ههه انت تطلع لروحك المورال و  ما يروعك كان ترا فيه هابط كالسخطة الجامدة ماذابيك تربرب بصراحة وقتها اما ما يليقش  زميلك خوانجي في طور النمو و انت ماعينيكش في طرح نفخان  بزازل  تولي تسب في النهار الي تولدت فيه في هالحفرة
خدمة نهار السبت يا جماعة تكبلك سعدك من فوق و من لوطا و لا يطمئن القلب و لا يطمئن الكنم ههه و تولي عاد كالمستفعل فيهم الكل تاخذ و تعطي و بناتنا تعطي و فمك ساكت و كان تتكلم تتالم و العياط ممنوع بطبيعة الحال نظرا للطبيعة الرقيقة للغشاء النفسي للشعب الجربوعستاني  و نحنا ديما من قديم الزمان كلنا نرفعو في اتعس التحديات للحفاظ على بكارة الجرابع و كان طالبت بحقك البسيط في راحة السبت و ينعبو الفلوس فمة ريسك انو الكذا و الشي فمتلا يدقدق و ترصيلك عاد في حل و اربط و الحتمي في ربطية في دار خالتك الحاصل
خدمة نهارة السبت تعمل العذر لكيانك و كان دخل للميحاض يا اما يطول يا اما ما عادش يخرج
الكلو مالراسمالية الفاحشة هههه

1 commentaire: