كان ترى الدنيا بعدك

كان ترى الدنيا بعدك
تشهق
تزهق
تبكي
تصيح
ياخي اش هزيت
و اش خليت
  وين مشيت
لبلايص دناست
و حلماتنا داست
كان تشوف الضحكة بعدك
ذبالت
صفارت
فاتت
ماتت
ياخي وين تخبيت
شبيك فيا
و ماكش فيهم
شباهم نساو
قداش كلاو
منك
من فمك
من ضحكة عينيك
قلي لوين الدنيا هزتك
وين القهرة دفنتك
نسال عليا
موش نسال عليك
نسال علي مشى
و ما عادش يرجع
نسال علي طار
جنح
ضربوه
طيروه
هججوه
كان تشوف البلايص بعدك
معبية فارغة
هاززها الريح
هاززها النبيح
الهم هاززهم
و يحبو الدنيا غابة

وينو كلامك ليا
االكلام الي ما قلتوش
الكلام الي ما كتبتوش
الي معشش فيا
  و خلاني غريبة وسط امالية
قلي الدنيا وين هزتك
و لا الموت علاش عشقتك
قلي و كان لقيتلي  ثنية
 و ايجا نحكيلك شوية

في حلمة مفجوعة

و لا في كتيبة مهمشة و مبلية

كان نحكيليك على راس العام 

مسود ملود كالفحام

لا ناوي على عشقة و لا ناوي على غرام

البلاد مسركلة و النفوس مبركلة

كان ترى الدنيا بعدك

الوجوه صفر بخارة

و الهمة  مرة فايرة مرة بهبارة