انا هي انا

انا هي انا
قبل ولا بعد
نفس الثوابت
نفس العشق
نفس الغرام
...انا هي انا
آنا الدنيا المزيانة
الي تحب عريانة

انا حرّة
من قبل رفضت اني نكون عورة ولاّ صرّة
و دعيت الراجل زيني ما يغُرَّهْ
انا نفكّر ما نقدر نتنكّر
انا نشيّخ
...انا نسكّر
انا نسّي
انا نذكّر
انا هي انا
نحبّ الشوارع متظاهرة موش الجبّانة !!!! 

انا انتصاب اللغة

و قذف المفاهيم الهارية

الي ماهي دارية

و في بالها سارية المفعول و التفعيل

و ناسية قدرة الكائن الحرّ الجميل  

...الّي عشقو اصيل 

 انا هي انا

انا اللّغة و الحبّ نصُوغَهْ
حِلْيَة و خلخال
و الصَّايِغ ما يْخَالْ
انا الكلام الرحَّال إلّي عمرو ما ولّى طحّان!!