samedi 12 mars 2011

نجي نبكي عندك ؟؟؟

نجي نبكي عندك ؟؟؟ نجي نهبّطهم حيار  دموع فرحة موش دمار !!! نحبّ روحي تخرج من بدني في دموعي من جروحي و تهبط على ضلوعك ضلوعي !! نحبّ نسقيك و تحت شوافري منّي للدنيا نسربيك !!
و كان تجفّ جنينتنا مالجواجي نسقيها بش حلمتنا بالدمع نلاقيها !!
ستانسنا بالدّموع كالظلمة و الشموع : نور في الظلام و فاصل في الكلام و كلام تحت الحزام و علاش الملام ؟ مانا خدّام العشق و العشق مالينا و فمّا حاكم بلا بينا ؟؟!!! يا عيني كيف نشعّلوا في الليل بدنّا مع جواجينا و تتصفّف النجوم بش تحمينا و ترخي الموجةخطوتها بش نِفَسْنَا  يزهّينا !! و يتمدّ الرمل تحتنا حبل : من هنا الملام من هنا أبنّ منام !!!

و تتحلّ السماء و تهزّنا ماللوطى لا حجر و لا عصا : العشق قدر العشق قضاء !! موش لازم محامي !! بيك بش نحامي على روحي، على جروحي، على نوحي و بيك انت بش نوحي و نقرا و نقرّي الشعر حبّ و نورّي و نبوح للوقت المجروح بقوّتنا كنهبطوا عالليل ــــ البحر، بابور لوح !!!!
و تغوص فيّا و تجبد آثار منّي و من جواجيّة و نمِدّهُمْلِكْ موش مزيّة : في الظّلام كيف يوفى الكلام انت الثنيّة ؛ انت الكلّ و حتى البقيّة !!!
حبّني مالدنيا هزّني و  خلّيني نبكي عندك موش عيك : دموعي همّها انّها تسقيك و تبعّد الشياح عليك !! شياحك ما يميحش مع ارياحهم و عشقنا اقوى من سلاحهم !!! 
نحنا هوما القضيّة و الهيئات و المجالس التأسيسية : نحنا العشق فينا لقى ثنيّة و من وقتاش البشرية بعدت على العشق بش دافعت عالقضية ؟؟ نحنا كلمتنا مش مبليّة و هذا الحدّ و هذا الجزر و هذا المدّ : غوص فيا و تمدّ!!! بلا بينا ما يحيا حدّ !!!!
لاتقلّي سياسة لا تقلّي قضاء؛ لا تقلّي اعتصام لا تقلّي بقاء!!! مادام في بلادي مسلّط عالعشّاق عصا و يلزمهم بش يحبوّا يتكبّوا و ساعات ،بعضهم، كيف يكمّلوا يسبّوا !!! ماثرتش اذا في قلب حبيبك ما ثمرتش !! الثورة عشق لامتناهي موش حركة و كلام ساهي !! 
نجي نبكي فيك ؟؟؟ و بدمعي ترابك نسقيك ؟؟ نجي و لاّ لا ؟؟ راهوا الشتاء خرج و الصيف جاء !! اختار قبل ماتحتار راهو دمعي ينجّم يولّي ثار و منار !!! نجي نبكي عندك بش دمعي ياقف و تبقى بعدي واقف كيف تتفكّر المرا الّي كساتك بدمعتها و كي روحها عليك سالت لا خبّاتها ولا قمعتها !

le texte lu :) no93od CHOUKA fi 7AL9KOOOOOOOOOOOOOOOOM !!!

19 commentaires:

  1. تبكي في علاش ؟؟؟؟؟؟؟؟؟؟

    RépondreSupprimer
  2. @soulef : j'ai pas pu répondre pq je n'ai pas compris la uestin peut-être manque-t-il une lettre au "fi" si c'est lecas c''est ppour que l'âme déborde les esprits fins sont si souvent étouffés ces derniers jours :)

    RépondreSupprimer
  3. gtaltni ya bent trad 9taltni ya mézambi , depuis hier soir j'ecoute et reeccoute <3 <3

    RépondreSupprimer
  4. @bentrad : hét chkoun yefehmek! het chkoun yefhem echiya tkoun insén ! insén 3andek el caractère ta3 el 7elem mech klem kel awhém ! barra ya3tik mé tetmanna

    RépondreSupprimer
  5. :)))))))))))) rêver et écrire deux éléments essentiels pour être .

    RépondreSupprimer
  6. dommage j'arrive pas à partager juste le texte lu

    raaaw3a (claire)

    RépondreSupprimer
  7. wa33333333 j'adore le texte lu <3 <3 <3

    RépondreSupprimer
  8. le texte lu a été signalé et supprimé sur facebook haw lé5wémjiya w lébhéma w tastika l bagguéri mté3éhom bdét ta3mal fi ri7a ... w Yeddhom ;)

    RépondreSupprimer
  9. يا خوامجي يا مصتك ، تمشي وتهتك ، خلي بهامتك تحتك !

    RépondreSupprimer
  10. oui chut c vrai mais je la rupublie et telle qu'elle ce soir au risque de perdre mon compte facebook :)

    RépondreSupprimer
  11. Chut LibrE tu fais chier man et mkarza 3lik :@

    RépondreSupprimer
  12. لامور ديالي ، الانسان همة ، والانسان كلمة ، وقفة ، رجلة . أنا كيف يطيح القدر في بلاصة ما عادش نقربها . يعطيو لرهطي في دروس في النضال وهوما فطشاطي ما يعرفوهاش وانجم نكون كنت واقف جنبهم في أي مسيرة . مدان وجهي كنت باش نعملوا وتوا بالحرام لاا ، وأنا مانيش مناضل اى سيدي وماعنديش في ريق رأفت الهجان ، عندي كليمتين نخربشهم في داري وأنا حر في أفكاري . كانك عالمسيرات وما جره ، كيما البارح كيما اليوم نكمل و لا حاجتي بتصاور ولا بديبلومات باش يقولوا علي راجل . بوسات متاع مجرد إنسان .

    RépondreSupprimer
  13. le texte lu ne marche plus :(
    mais j'adore l'article ça fait fondre le coeur <3

    RépondreSupprimer
  14. @ chut : ok je comprends et si tu ne comptes pas revenir de si tôt j penserai à faire la même chose c vré qu'en ce moment c la pagaille des bêtises à n'en plus finir mais bon je me dis que ça passera
    nboussék éna w YEDDHOM !!!

    RépondreSupprimer
  15. @bentrad: malla 7ala fi hal bléd ! w ya7kiw bel 7orriya hal khwamjiya ! ahhhhhhhh, sa77a lihom, mchit lel matar nharet eli jéhom sidhom el ghanouchi, w chofet eli mé etsad9ouch el 3ine ! wa9tha fhemet welli tounes dekhla fi 7it. aya bentrad brass la7nina riguel el 7arka, w ena hani mel chira lokhra 7alit 3lihom el 7areb , w men 7oumti galbhom nékelhoulhom ces laches! zakech! 7atta bech yet'tha9fou chay ! wala asma3 inolek, ab3atjouli par mail, w khali el kolna inpartagiweh 3ala nos comptes facebook, w wa9tha 7achek *** fih :-) w comme d'hab : yedhom aller w retour

    RépondreSupprimer
  16. winek ? twa7achnek.

    Rod belek mil 5wèmjiya. hhhh


    aya rabbi m3ak ya mizyèna.

    RépondreSupprimer
  17. يزّينا من البكاء يا بنتي وبنت طراد . جا الوقت الي دموعك ودموع البنات الكل تولي فرحة , صحيح ثمة شكون الي يحب يعمل غصّة اما ما عندهم وين يوصلو ,كمشة مكابيت يحبوكم جواري في الديار والفلاّت

    RépondreSupprimer
  18. يا بنتي . يا بنت طراد جا وقت الفرحة والخلاعة يزينا مالبكا .مايهمكش في المكابيت راهم يحبوكم جواري في ديارهم . تو نهارت الي يثور عليهم المجتمع تاو يرجعو لحفرهم الظلما

    RépondreSupprimer