قبل ما يوفى الكلام ... خلّيني نقول كليمتين :
كان وفى عليك الهبال تفكّر ضحكتنا
كان تقصّ عليك الهوى تفكرّ شطحتنا
كان هرب عليك الخيال تفكرّ حلمتنا
و كان وفى عليك الكلام ... أسمع غنايتنا
إذا الدنيا ظلامت تفكرّني نقول صباح الخير
إذا الصباح مسّى تفكرّ هربتنا عقاب الليل
إذا الليل توفّى تفكرّ الي عشقة بين النجوم خير
و كان وفى عليك الكلام ... أسمع غنايتنا
كان الساعة تولّي سنين تفكرّ العمر في غزرتنا
كان الدهر يولّي رزين ما تنسى النار بين يدينا كيف شعّلتنا
كان الوقت يولّي حزين تفكرّ الوجيعة بعد الهجر كيف سكنتنا
و كان وفى عليك الكلام ... أسمع غنايتنا
قبل ما يوفى الكلام ... نحبّ نزيد كليمتين :
حييت في كلامك نجمة و نسيت كلام الليل مدهون بالظلام
عشت في أنغامك وردة و تناسيت إلي بليغ وفى بين الهجر و النسيان
ولّيت بين ضلوعك نسمة و خبّيت على روحي إلّي ضلوعك بهوى آخر مليان
كبرت بين أيامك حلمة و ريت الحلمة تشيب كيف هرب عليك الكلام
حبّيت نقول كليمتين ...
للنجوم الّي تسأل فيا ياخي هالسحاب منين ؟
للياسمينة الي إتّكات عليّا و قتلي ريحة هالجيفة منين ؟
للخطيفة الي طلّت عليا و سألتني جيتك في ربيع هالصقنطري منين ؟
للألحان إلي هجروا جواجيا و قالولي شبيك قبر بارد، مهمّل و حزين ؟
....غنايتنا طفات شمعة في دروج كيف يتفكرّ ينين
قبل ما يوفى الكلام ... نحبّ نزيد كليمتين :
حييت في كلامك نجمة و نسيت كلام الليل مدهون بالظلام
عشت في أنغامك وردة و تناسيت إلي بليغ وفى بين الهجر و النسيان
ولّيت بين ضلوعك نسمة و خبّيت على روحي إلّي ضلوعك بهوى آخر مليان
كبرت بين أيامك حلمة و ريت الحلمة تشيب كيف هرب عليك الكلام
حبّيت نقول كليمتين ...
للنجوم الّي تسأل فيا ياخي هالسحاب منين ؟
للياسمينة الي إتّكات عليّا و قتلي ريحة هالجيفة منين ؟
للخطيفة الي طلّت عليا و سألتني جيتك في ربيع هالصقنطري منين ؟
للألحان إلي هجروا جواجيا و قالولي شبيك قبر بارد، مهمّل و حزين ؟
....غنايتنا طفات شمعة في دروج كيف يتفكرّ ينين
Aucun commentaire:
Enregistrer un commentaire