هي قالت لا

هي قالت لا و هو هبط عليها كيف البلى بالسيف موش بالكيف
هبط عليها كالقضى كالعصا هي تقول لا و بغلّو يتحشى و يتسيب هارية سارية و داخت مِش دارية
هي قتلو لا و هو زاد اشتهى و عفّس و رفّس و ما خلاّ صدرها يتنفّس و ما شافها في دموعها ترفّس
جهامتو ثقيلة عليها و نسات روحها و خممّت في إماليها و كلام الناس عليها ناسية النار الي لهبت في جواجيها
هي قتلو لا و هو هبط كالمطر الي تبل كالذل سَلّْ و عَلّْ و مالجريمة لا كَلّ و لا مَلّْ
ناس يقولو هبل و ناس يقولو هتر و هو في بالو فحَلْ ... عملها بالخل صبهولها في عينيها سرقلها الحلمة و البصيرة ...ناكها الغشيرة استفعل فيها بش يقولو " مسكينة !!" يعطيكم لام و سكينة و عيشة شايطة في تركينة...
هي قاتلو لا و هو توكل على قلة الحياة و ذبحها "لا تربحها لا الأرض لا النساء !! لا عرض لا فرض !!! أنا عيني و انت تقول لا؟؟؟"
شدها بالسيف من غير لا عين و لا كيف ... شدها كي وقّف و بالغُلّْ حياتها سقّف... ما هياش تسخّف !!! هي قالت لا ما ركعتش ما خضعتش ... قالت لا لين الحيط بكى و الشارع طاح أما ما راح !!!هبط عليها و ما شاورهاش ... طمع أما يقعد بعدك يا واطي كيف تَلْحسِلْها و ترى  للاتك كارك تهبط ما تدزهاش!!