سكيزوفرينيا البلاد !

على بلاد الرجال و كلابها سياب
على بلاد الاحباب و الحبّ فيها عذاب
على بلاد الزّهر والسعد فيها مكبوب
على بلاد العطرشية و افّاحها في القهوة سعود
على بلاد الدڨلة المبيوعة في عراجينها
على بلاد الزيتون الي ما يعرفوا منّوا كان الصابون
على بلاد الاحباس حابسةالانفاس
على عبادها كلامي ...
مادام الدموع سايلة و فوق الخدّ مايلة : حيّين
مادام الروح طالعة و الضلوع خالعة : ماناش مسلّمين
مادام القلب يدقّ و في ثنيّتو الصّدر يشقّ : حيّين
مادام الاصوات تغنّي في الارواح بالحلم تهنّي : ماناش مسلّمين

على بلاد متعّبتني بعبادها قاهرتني بش نقولها مسخّرتني عندي كلمتين :
يا نجوم شعلت ما طفات
يا بحر هاج و ما غدر
يا نسمة هبّت و بكّات
يا شجرة ولدت و ما رمات
يا عصافر ماتت و ما تخبّات
طاح ليلي وما عندي وين نبات !!
لا سقف حاميني
لا ذكرى تواسيني
و الكلمة ستانست تجافيني
على بلادي موش بلادي
و عبادها موش عبادي
مني ليها تحية و في الحقيقة مرزية !

تقيّد و لا ناوي البلاد تسيّب ??

تقيّد و لا ناوي البلاد تسيّب
ماشي تنتخب ولا ناوي البلاد تتخرب
هالثورة بيدينا عملناها و بورقة في صندوق نجّموا نتهنّاو عليها
ألوان الدرابو في العالم الكلّ نشرناها ما تخلّيوش الغربان تسوّدها و تتلهوث عليها
23 سنة الصندوق كان منى و اليوم هاو هنا !!
23 سنة  تفضحنا  بال99% و اليوم نجّموا نقولو لا !!
قيّد و برّه صوّت!!! يا مواطن لا تتصوّت !!
تقيّد و لا ناوي البلاد تسيّب
ماشي تنتخب ولا ناوي البلاد تتخرب
الثورة ما عملناها اذا نهار 23 اكتوبر كمّلناها !!!

تونس و بنتها ...

تونس : ـــ شبي بنتي تبكي ؟

شكون ضربك ؟

شكون دزّك ؟

شكون على الدموع لزّك ؟؟

أنا : ــــ ما بيّا شيّ

اخرج عليّا

اخرج منّي

سحابة و تتعدّى !!!

تونس : ـــ سحابة ؟؟

تي هاي دموعك مطر

مغطّيتك للشطر

قلبك تغمر !!

أنا : ـــ ما بيّا شيّ

ما بلاني شيّ

ماعندي شيّ

تي انا حتى شيّ

تونس : ـــ يعطيه الكيّ و هو حيّ

الّي بكّاك

الّي طعنك في ضلوعك و ما دفّاك

قلّي شكون قلّي شبيك تو نورّيك !!!

أنا : ـــ ورّيني 6 شهر و أنا نستنّى

تخرج إنت للضوّ

و أنا نتهنّى

تلبس الحايك

و تلبس الحرير

تشدّ ثنيتك

و تترك السرير

تونس: ــــ شبي بنتي لاباس ؟

عندك السّخانة ؟

شبيك تمتم ؟

تكلّم عمرك في كلمتك ما تسلّم

احكيلي اشكيلي ابكيلي !!!

أنا: ــــ نحكيليك : كان يا مكان في قديم الزمان

عهد الامان و شعب حافي و عريان

كلمتو تاكل مالزبلة جيعانة

وكان عُطشت تشرب مالڨلتة فرحانة !!!

كان عهد الاحباس تتقطع فيه الانفاس

ما كانوا يعرفوا مالشمس كان حريقتها

لا عمرهم ذاقوا لا رمّانها لا دڨلتها

ما كانوا يعرفوا مالمطر كان غريقتها

لا ذاقوا شعيرها لا عجنوا قمحتها

كانوا يخرجوا الزيتون و ما يعرفوا منو كان الصابون !!!

تونس: ــــ نعرف ! نعرفها الحكاية : نار هبّاية !!!!!!

أنا: ـــ كيف تعرفها و أنا بنتك علاش ما قتليش ؟

تونس: ـــ من قلّة الحكايات ؟

اخترت اصعبهم عالحياة

حكاية بها الشعوب الكلّ تكوات

و في بالي بنتي أميرة

و هي الدنيا غلات

في بالي العصافركيف هجرت شوارعي

سكنت فيك

و في بالي بيك كبرت

و مرا صرت

و خلقت نجومك و بيهم ضوّيت لياليك

قلّي يعيّش بنتي اش بيك ؟

مسرحية الحياة بين الكلام و اكلام/ فاصل دموع

أنا: ـ ما بيّا شيّ

اخرج منّي

اخرج عليّا

سحابة و تتعدّى ؟

تونس: ـــ سحابة؟؟ و تتهدّى !

بنور الشمس

تو تشوف

و يطلع قوس قزح

و نوّار بو ڨرعون

و حتى الفرطتّو تو يصون !

ما تخلّي عيش بنتي غير النور فيك يكون !

صحيح انا ولدتك

اما ولدت معاك الظلام

في بالي بش يحلى المنام

نعرف كبر و لبس كبّوس

ولّى راجل الظلام و لّي كابوس

ولّى بعد الاحباس حبّاس النفوس

انساه و سكّر القُوس !!

أنا :ــــ هدّيتني بعد ما بالحلم مليتني

عطيتني حبيب كلني كيف جاع كالذيب

عطيتني صحاب غبرو في بلاد العكري كالسحاب

هوما عليهم المطر و انا قلبي عليهم تنحَر

عطيتني جواجي و قطّعتهملي

عطيتني عينين و ما شريتلي الكحل

ياخي كيف الوقت شراهولي سال و ذبل

عطيتني ڨمرة و نسيت النجوم

نلوم عالمدينة و سكّانها و لاّ عالليل نلوم ؟

آش عطيتني ؟ علاش عطيتني ؟

عطيتني قلب فنيتو عليك

شاب و ما تاب

و غدوة ياقف و ما كتب الكتاب !!!

خرجت تونس

 سكّرت الباب

 قعدت انا في العذاب : لزّيتلها وجعتها ؟!

خوذ كلام الّي يبكّيك

الّي اليوم بالخير واعدك

غدوة ناوي يفليك

وكان لقى فيك عنقود عنب يطيّشو و يسبّ

وكان لقى فيك الشعير يبزّعوا و يفزّع عليك الجيران

وكان و كان و كان ياريتو بالامكان نحكيلك كلّ شيّ

امّا وقيّت دموع يضويو في ليلي شموع !!!

j'adore les vieilles

j'adore les vieilles parce qu'elles plongent leurs pieds
et oublient de plonger
elles se contentent, elles sont contentes
les vieilles, elles, ont appris à abdiquer

j'adore les vieilles parce que rarement elles manquent de sommeil
les insomnies elles ne connaissent pas
elles se réveillent juste pour mieux roupiller

j'adore les vieilles parce que leurs cœur sont bourrés
d'amour ou d'injures, peu importe
elles ne vont plus se consumer

j'adore les vieilles parce qu'elles ne cherchent plus
une demeure sur la mer ou l'ailleurs sur la terre
elles savent où elles vont habiter
étroit, noir, sous-terre mais elles ne vont , cette fois, rien meubler

j'adore les vieilles parce que leurs sourires sont désintéressé
elles sourient au meilleur comme au pire
elles ne vont rien essayer de relativiser

j'adore les vieilles parce qu'elles sont seules
et que la nuit le manque d'amis va pas les faire chialer
quand on enterre trop de monde, on finit par abdiquer

j'adore les vieilles parce qu'elles sentent le temps
le temps qui ne vous a pas fait jeune crever
et des fois par chance elles sont la vie qui a, l'être, épargné!

j'adore les vieilles parce qu'elles ne sont plus fatiguées
même si leurs os sont craquelés
elles n'arrivent peut-être plus à danser
mais elles ont gardé une dernière valse pour toutes ces années qu'elles ont traversées

j'adore les vieilles parce qu'elles se foutent pas mal de l'Histoire
et qu'elles vous la racontent comme un conte qui ne sera jamais édité
elles vous parlent des guerres sans ce goût amer
qui empêche souvent la paix d'avancer

j'adore les vieilles parce qu'au bout du tunnel
rien ne sert de regretter
je les adore parce qu'elles offrent leurs bijoux
à leurs petites-filles qui ne sauront qu'une fois vieilles les apprécier

j'adore les vieilles parce qu'elles sont toujours pareilles
aux vieux des chansons mal chantées
elles ne savent plus s'habiller et putain qu'est-ce que ça me fait marrer!!
elles oublient les coiffures, le rouge et même leurs colliers
pour elles la beauté c'est les petits des petits qui niqueront la mort cette traînée

j'adore les vieilles parce qu'elles pleurent rarement comme je le fais souvent
et que les larmes pour elles c'est sacré
c'est le souvenir d'un mari qui rit mais que la tombe a raflé

j'adore les vieilles parce que je suis vieille
les rides en moins et plus de lâcheté
je les adore surtout parce que dans leur immobilité elles me font toujours rêver
elles ont connu Hitler, la France des Lumières qui nous a noirci nos contrées
elles ont connu Woodstock, Janis et Bob Marley
mais ça ne leur dit rien, elles ne savent que leurs racines chanter

j'adore les vieilles parce qu'elles sont sages
même si jeunes elles furent des trainées
elles ont appris à s'asseoir, à regarder la foule sans brancher
et les vieilles elles s'en foutent pas mal si elles sont seules
car elles voient la tombe et elles attendent de crever
les rhumatismes les clouent au lit
et leurs lits sont inhabités
d'ailleurs je ne sais pas si les vieilles ont des corps
et si elles ont si tort de l'oublier

j'adore les vieilles parce qu'elles redeviennent gamines
et que l'orgasme pour elles serait un bonbon en cachette avalé
elles s'en foutent de toutes ces fêtes de toutes ces têtes
qui se réunissent un temps pour mieux les quitter après !

j'adore les vieilles parce que je suis vieille
et que mon cœur est ridé 
et que tout ce que je garde comme espoir c'est sur un véranda me balancer
le regard dans le ciel
et le ciel ne sera autres que les souvenirs que j'aurai amoureusement gardés

j'adore les vieilles parce qu'elles savent cuisiner
qu'elles adorent tricoter
elles tissent la patience
et elles n'en ont rien à branler des journées écoulées

j'adore les vieilles parce que je suis vieille
et que je voudrai juste ne plus souffrir des pertes qui me font crever !

العشقة

العشقة الي في نور الشمس ما ضواتش راهي ما سواتش

العشقة الي ما جهرتش يقرب وقت وتبكيها و ياريت ما هجرتش

العشقة الي من مدينة لمدينة ما رحلتش و شوالقها ما لمّتش، عشقة بُخْلِيّة و ما تتحمّل الثنيّة

العشقة الّي ما بكاتش و ما غصّصتش عشقة مرويّة بكلام الرّاوي الكذّاب تولّي أزليّة

العشقة الّيها فيها قانون و الّي كان بالشيخة تكون عشقة تعيش كان مع المجنون

وعشق المجنون في بلاد الاعباد مجون و انا وين و كيفاش نحيا و نكون اذا قلبي ما نخون

و نروّح بيه قلبي في يديّا خايقة عليه مالثنيّا

يبكي و في الشارع يفضحني و يطلع عياطي و يفضحني

و يسمع العالم و الحبيب هايم ماهو عالم الّي هو كيف جلّ الحبايب ظالم

و تروّح فيّا البنيّة الكحل سايل بعد ماكان ملهّب عينيّا

و تتنكس اعلامي و يضيع العالم من قدّامي و نقول : يا ريتو قلبي عليّا برّاني !

عذّبتو معايا المغبون ، هرّيتو و هو مايهون

هزّ قلبي في قلبو آلاف الاعباد و انا مولاتو ذوّقتوا الشوك و حرمتوا مالاعياد

شلوحتو، شلفحتو على قياس حلماتي كلّ مرّة قلبي لوحّتو

و لانهار هان بيّا و لا ههنت عليه و سكت و خلاّني ذكرى تُحييني و تُحييه

يا ناري على قلبي هبط رماد لا دفّى مولاتو و لا ناوي يشعل للاحباب

ياناري على قلبي هبط ريش و ياريتو هبط مطر و لاّ حشيش

اذا ما زيّن التصويرة راهو نفع امّاليه

العاشقة الّي ترى حبيبها بغيرها ممحون حبيبة بكذبتها و الكذبة ساعات رواية من احلى ما يكون

واذا روّحت بقلبك بدمع عينيك سكروان ملوّح اعفس عليه القلب تو ريحتو تفوّح العالم و الكون بريحة حلمة اسمها : عشق و مجنون !!!

اذا تلوّحت على القاع تتصرّع جواجيك في فمّك و فمّك بالدموع يفيّع

اعرف الّي قلبك صايع و يضيّع

يا هازّة الاعمار، يا فانية الازهار، ياليل بلا نجوم، يا ظلمة و بحر دموع و شمعة و دحسة ضلوع، يا مبكيّة الامّات، يا عازفة الليّعات، يا مبيّعة اللّيرات على كفن الحيرات يا موقّفة الاعمار، يا مطيّرة الاطيار يا قاهرة الاحلام !!! يا مـــــــــــــوت !!! قدّاش من مرّة ناوية قلبي تُقتلّي و تهزّوا لسماك و تحرّرني ؟؟؟ قدّاش من مرّة ناوية على هبالي و ضحكي عليك تفدي الثار؟؟

زعمة نلقى الوقت يا قلب و ندشّنلك ساحات ؟؟ و نسمّي بيك الشوارع و نصوّر بيك لوحات؟؟ و ندفنك تحت الزيتون خلّي يذوق نهار الحبيب زيت القلب الّي ما يخون؟؟؟ و لاّ نرميك زرّيعة و تطلع عالكيّاس و تولّي  في عينين فرخ صغير طلّيعة ؟؟؟ حرّيقة ولاّ بوقرعون؟؟؟ و لاّ حشيشة و مايهمّوا آش تكون ؟؟؟ نعملك على قبرك يا قلبي رخام و لاّ تاكلك العصافر و تغنّيك مع الفجر انغام؟؟؟

قلبي عاشق الواطي حاقرني، يخمّم في بالو سعدو قايم و فيه يصون، يكبّوا نيّة المغبون لا يعرف يفّرق شكون يحبّوا شكو بضحكة يسبّوا لا يعرف لاشنيّة لا شكون مايعرف قلبي كان قلبو يتبّع : قلتلكم مجنون !!!